اجمل القصائد والقصص💫💫

 قصيدة / اربع قلوب وعشان حِكايتنا تِكمَل محتاج عمرين كمان عُمر لإحساسى يوصَل وعُمر للحنان امبارح والنهارده ولآخر الزمان انا عُمرى مهما طال يفضَل مليون سؤال ومافيش ليهم جواب  ليه قلبى ليكى مال وازاى بقيتى نَفسى نبضات قلبى ونَفَسى وأمل بيداوى يأسى وعنوان للجمال وليه حبيت عيونك من بين كل العيون وليه بَخلِص واصونِك ولا افكر يوم أخون محتاج لعُمر تانى نعيش بين النجوم يخلَص    يبدأ زمانى ونعيش اليوم بيوم قصر ونبنيه سوا فى شارع عالقمر شارع اسمُه الهوى ومايسكنهوش بَشر وننام على حضن دافى على حلم جميل نقوم حبيبتى وابتسامتِك لجرح الروح دوا من اول يوم عشقتِك وانتى النور والهوا حبيت فى هواكى عمرى وبقيتى ضىّ فجرى وبخاف أيامنا تجرى مانكنش يوم سوا محتاج أربع قلوب كتير على قلبى حُبِك وف كل قلب يَدوب يسكن حرف ف بَحبِك شعر / مجدى حسن

 العرافة....         كلمات :  الشاعر ابراهيم سبيتان المقدسي  وعرافة طرحت ودعها محدثة    وإني بها  مستهترُ  ومكذبُ ما قالت  تيها  وحياء    وقولها  جميل معذب  ومهذبُ إرم بياضك يا ولدي    وهل أفتري  عليك وأكذبُ تهُزُ  كفيها  مقبلة  تدنو    بشغَف  وهيً اليً  أقربُ مبتسمةَ  والحيرة  في  عينيها وكأنها  لأمري  ترٍقُ  وتعجب تتلقف  الودعَ  بين  يديها    وكأنها  بأحوالِ  الناس  تتلاعبُ تنفخ  في راحتها  تارة    وأخرى  فيها  تبعد  وتقرب كفك كنهارِكَ  بالحُسنِ  ظاهر    محفوظ  كأيات  الله  احسب لكن  قدرك  ضائع  بين     عدو  وخائن  واُناس  تتلهب لو  فرشتَ  الأرص رملا    ووردا  شتموك  دعهم أصوب قُلتُ  لا تسأليني  لماذا    وكيف يعيشُ العاشق...

 قصيدة / إسمعى إسمعى  لسه عندِك فُرصه تانيه تِرجعى قبل مانقول المشاعر بيننا كانوا قبل قلبى ماينسى حبى وتتقفل بعدِك ببانُه لسه عندِك فرصه تانى تفكرى مين هيسهر ليكى ولمين تسهرى وليه نمَوّت حلم عِشنا سنين عشانو مين اللى كان بإيديه بيمسح دمعتِك ومين فى ضى عينيه بتنسى غربتِك مين اللى قالك مش لوحدِك واللى صان قُربك وبُعدِك  مين اللى نوّر سكتِك ومين رسملِك خطوتِك مش هو انا؟ مش كان غرامنا وحبنا ايوا آخر فرصه لينا نفتكر اجمل ماضينا قبل ماليالى الفراق تتزرع اشواكها فينا اتحداكى اول همسه واول لمسه تنسى بطلها واول شمعه ف عتمة ليلِك مين نوّرها واول كلمة حب ف عمرِك مين كان قالها تنسى ازاى اول فارس فك ضفايرك تنسى ازاى الحارس على كل مشاعرِك كنتى شمسى وكنت ضلك واسألى الايام تقولِك لو رضيتى بالفراق بعدى مين حيكون فاضلِك مش فيلم سينيما وانتهى بكلمة نهايه واللا رحله كنتى فيها يوم معايا واللا كلمه تنتهى بيها الحكايه القمر يطلع لمين لو يغيبوا العاشقين كان بيطلع بابتسامه بَعدنا هيكون حزين شعر / مجدى حسن

 قصيدة  /  ابنى حبيبى فرحانه انك يابنى شايلنى بعد سنين كنت انا شايلاك كان قلبى بيدعيلك ياابنى واما اموت هحتاج لدعاك بستناك ترجع اعشيك واصحى من النوم واغطيك منا قلبى يا ابنى مالوش غيرك كان بيدُق عشان يحميك كنت بشيلك يابن سنينى جوه القلب وروحى وعينى واما كبرت قدرت تشيلنى رايح فين علشان ترمينى بعد شقايا وصبر سنين يبقى مكانى مع مُسنين كلمه قالتها مراتك وانتَ قولت وراها الف امين كنت الأب وكنت الأم ونسيت روحى وشيلت الهم بعد ما ضاعت احلى سنين قوللى حبيبى واخدنى لفين عمرى ماكنت تقيله عليك بَنكِر روحى عشان ارضيك دايما بقفل بابى عليّا بس بعيش بونَسكم ليّا وبكلمه منكم ترضينى على فين ياحبيبى مودينى سبنى ف مكانى خلينى اعيش مع ذكرياتى لو ابوك نادانى دى فرحتى الباقيه       فحياتى لكل ركن ف بيتى ذكرى بعيش عليهم باقى عمرى مبقاش خلاص فى العمر بكرا ويومين وبيتى حيبقى قبرى لما حسيب البيت وحيطانه صورة ابوك تتعلق فين حب البيت كان بس عشانه ليه خليتنى بقلب حزين كنت بصونك وانت جنينى احلف كدا انك تراعينى واللا حتنسى ومش حتجينى على فين ياحبيبى مودينى شعر /  مجدى حسن

 قصيدة /انا وطِفله  كنتى قُطه مغمّضه محتاجه لشوية حنان لجناح تطيرى فى الفضا تتحدى اوجاع الزمان فى البيت ماشوفتيش طبطبه وف قُربى حسيتى بامان وبقيتى منى قريبه ونسيتى م العمر اللى كان شوفت صورتك فوق جبينى بشبهك وبتشبهينى الشبه مش فى الملامح يومها كان الشبه كان فى المشاعر والحنان لحظة لقانا  اتحولت صحرة حياتى اتبدلت والكون صبح بستان اختيارى كان بقلبى مش بعقلى مين يسمى نبضِة القلب اختيار كنت عايش قبل منك ليل وضلمه وبوجودك ابتدا فجر النهار حتى فرق السن بيننا بقيت ناسيه وانتى شيب الشعر كنتى بتعشقيه ايوا مافهمتش ساعتها انى بنهى العمر وانتى بتبدأيه قلبى حبِك مش عشان ضحكة عيونِك أو شفايفِك وكأن عينى غمضّت والقلب شايفِك شوفتينى أب والغريبه شوفتك عشيقه او حبيبه حبيتى فيّا حكمتى حنيتى وبقيتى صاحبة سكتى لو كان الأب صاحبك مكنتش حبقى صاحبك وف لحظه جيتى تسألينى رأيى ايه لمّا شوفتى الفارس اللى حلمتى بيه وقتها عرفت الحقيقه عشقى ليكى كان خطيئه فاكره يومها قولت ايه امسكى دايما ايديه واوهبيله كل لحظه من حياتِك وانسى كل الماضى انسى ذكرياتِك وقولتله روحى ف ايديك مش عايزها يوم تجينى تشتكيك يومها ...