وليها تاريخ للشاعر أحمد سنجر
أنا بلدى وليها تاريخ
مكتوب في كتب التاريخ
من قبل ما أكون موجود
محن عليها بتعدى
من قبل أبويا وجدى
وقبل الجدود بجدود
ساعات تخاصمنى وأخاصمها
ونزعل كتير انا وهى
لكن عمرى ما كنت جحود
وساعات كتير تعاندنى
وتاخدنى الدنيا وتبعدنى
لكن دايما ليها بشتاق
وف لحظة أحن وأعود
علي كل بلاد الدنيا بقدمها
ولو حد ناوى يهدمها
بقوله بلدى خط أحمر
هتطلعلك شهادة مفقود
ومهما كنت بعانى ولسه ليا أمانى
اوع تتاجر بفقري
وتستغل كمان قهري
وتوعدنى بأي وعود
ساعات معندهاش رحمة
وشوارعها كتير زحمة
ولما برجع من شغلي
بكون مهدود
بنا كل لقمة ونقسمها
وضحكتنا بنرسمها
ونحمد ربنا ونقول
أهو ده الموجود
مهما حكيت علي مرارها
مش هسمحلك تدمرها
وعايشين علشان نعمرها
وبكره تطرح أحلي ورود
لا أنا عاوز حاجة من حد
ولا في يوم هكون ضد
ده حبها في القلب
إتولد وأنا مولود
كلماتى / أحمد سنجر
تعليقات
إرسال تعليق