طلوع الروح للشاعرة أم سلمى العتر
طلوع الروح
♡♡♡♡♡♡♡
حسيت بطلوع الروح
ونت زى الطير المدبوح
مرمى على الارض بيرفرف
مخنوق عاوز يصرخ
والدمعه محجره فى العين
والقلب بينزف مقهور حزين
حسيت قبل كده بفراق الروح
لما حته من قلبك بتروح
ونت ماسك فيها وكلك جروح
بتلملم جراحك ونت مدبوح
حسيت ازاى الميت بيعانى
لم بتتقبض روح
مش لازم نموت بجد
علشان نحس
ولا لازم نندبح ونعرف الطير
ليه بيتنفض بفراق روحه
بنموت وحتا عايشين
وعلى الارض دايسين
بنتفس ومش حاسين
ولا سامعين للقلب انين
بقينا صور من غير احساس
فى براويز بتبرق فى العين
مناظر واشكال زى البلياتشو
تمام راسم ابتسامه على الوش
من غير ما يكون ليها طعم
جربت تموت ونت عايش
عن الفرحه تايه وعلى الشوك
دايس ورجليك حافين بيتقطعو
ونت ولا دارى بيبكو دموع آلالم
بدل الدمع دم كا الطير اللى بيموت
اه جربت شعور الطير المدبوح
وهوا بيعافر نفسه يعيش
وفارد جناحه فاكر هيطير
ودموعه نزله على خده سيل
جربت الموت وطعم المراه
~~~~~~~~~
بقلمى /ام سلمى
~~~~~~~~~~
تعليقات
إرسال تعليق