مين اللي قال للشاعر محمود عزام
مين اللى قال إن الكبار
ما بيضعفوش
ما بيحتاجوش
مين اللى قال إن المشاعر
عندهم ... حبة رتوش
مين اللى قال إن القلوب ...
بالوقت تتحول صخور
بالعكس دى بتصبح أرق
... ومعتقة زى العطور
وقادره تطرح بالأمل
... وتطير لفوق زى الطيور
جواها حب و نور و خير
بيكبروا .. ما بيصغروش
انا شعرى ابيض؟
آه صحيح
لكنى جوايا إحتياج
اللى فى سنك ما يشوفوش
ما يحسهوش
على قد خبرات السنين
... قادر أبان جامد .. رزين
لكنى جوايا حنين ..
. وحاجات كتيره مع السنين
ما بيموتوش
جوايا شخص ... حاجات
بسيطه تفرحه
جوايا احساس والكلمة
الحلوة تدخل
القلب تفرحه
والقسوة اكيد
طبعا بتجرحه
جوايا طفل
... حضن امه بيوحشه
فيه حد فينا ...
الحنان ما بيوحشوش؟؟
اياك تفكر أن عمرك انتهى
و حاجات كتير
ما تقولش ده
مش وقتها
فيه بكره جاى؟
فيك قلب حى؟
عيشوا وغنوا وافرحوا
ما تكسلوش
# ما تقولش عمري
اديته للي مايستهلوش
واوعاك تندم علي
خير عملته
ولا رغيف قسمته
يدعي لكم
يارب ما تتحوجوش
والحوجه مش
حوجة فلوس
الحوجة لعلامك
من كل الدروس
واوعي تقهر نفسك
علي تغيير النفوس
ارفع ايديك لربك
ولكف ايدك
أحضن و بوس
طبطب على نفسك
وامسح علي الاحزان
بايديك
وعيش مع ربك
وخلي تكالك
كله عليه
بقلمي
محمود عزام
راقت لى
تعليقات
إرسال تعليق