هات ايدك للشاعر هشام عبد الله
من كتاباتى
هشام عبدالله
هاتِ إيدك
......
لو فضل من عمرى ليله
أشتريكِ حبيبتى بروحى ليله
ونعيش أنا وأنتِ بيها
ودى تبقى ليا
أجمل ليله بألف ليله
ولو تاهت الذكريات
وخلصت ما بينا الحكايات
هاخد من ضى عيونك
حياه .. فيها أجمل الأمنيات
وليه ما أحبش ليه
وأنتِ معايا حبيبتى
مافيش غيرك ليا
وحٌبك فى القلب يبات
ويتحاكى فى حُبك أحلى الحكايات
وتختفى من جمالك كل البنات
ومعاكى تحلو الحياه .. والحاجات
لو فضل من عمرى ليله
أشتريكِ حبيبتى بروحى ليله
وليه ما أحبش ليه
وأنا عمرى ولا ليله نسيتك
ما أنا يا حبيبتى ما صدقت لقيتك
وبتسألينى أنى حبيتك
طب أذاى وأنا روحى هويتك
وقلبى العاشق دايب
مش شايف من غيرك أى حبايب
لو فضل من عمرى ليله
أشتريكِ حبيبتى بروحى ليله
هاتِ إيدك حبيبتى الليله
نحضن بيها أمانينا
دى حبك جوه وريدى
زايد لقلبى حنينى
ولا عوزك تبعدى عنى
ما أنتِ جوه الروح والنينى
لو فضل من عمرى ليله
أشتريكِ حبيبتى بروحى ليله
ونعيش أنا وأنتِ بيها
ودى تبقى ليا
أجمل ليله بألف ليله
....................
تعليقات
إرسال تعليق