وادي القمر للشاعر أحمد الحملة
دمتم ودام ودادكم
الوجه الآخر للقمر
حى وادى القمر
===}}}}}===
وادى القمر يا قمر ما فيهوش قمر بصحيح
ولا زرع أخضر جميل و لا حتى زرع قبيح !
الإسم هذا خطأ يحتاج إلى تصحيح
إزاي نسكن قمر ف وادى قلبه جريح ؟!!!
طب حب يوم القمر يبص م الشباك
أو حب يملأ الفضل بالنور هنا و هناك
يلاقى عينه أتعمت ؟! دا الجبس ما أدراك
قمر وادينا سورىsorry قلبى يا قمرى معاك
غسيل جيرانا اتنشر نضيف يسر العين
كام بنطلون معتبر على كام قميص حلوين
وكان شراب فللى مع كبشة م الفساتين
و ف لحظة هب الهوا هوبة ضيع شقى المساكين. !!!
الكام قميص اتبنوا بسمنتو حر متين
البنطلون اتملا بالجبس زفت الطين
و الكام شراب فللى اتبهدلوا راخرين
و اللى يهلك أوى كان منظر الفساتين !
الناس كتير اشتكوا و لا حد سائل ليه ؟!!!
قلوب كتير حجرت و الناس حتعمل إيه؟!!!
الصحة ويا المرض بيلعبوا الكاراتيه
و طفل وادى القمر مظلوم و مجنى عليه!!!!!
و
ا
د
ى
القمر
ي
ا
ق م ر
!!
!
!!
أحمد الحمله
تعليقات
إرسال تعليق