سيجال القمر مجلة أجمل القصائد والقصص
بالحب نلتقي دائما اسرة مجلة اجمل القصائد والقصص وسهرتنا اليوم مع سجال (القمر) وما اكثر الحكايات مع القمر الذي كان وما يزال مصدر الهام للشعراء وكل من يهوي الجمال
..*(حكايات القمر)*..
عايزك تحكيلي يا قمر
عن ليل العاشقين
وتقولي ع اللي جرا
مع كل اتنين دايبين
والسهر تحت الشجر
ما بين بكي و أنين
وقلوب دابت ف هجر
وعيون ......... مدمعين
عايزك كمان تقولي
عن كل الفرحانين
بان القمر ف السما
وكان أوان الفجر
وقال انا شوفت كتير
بين بعد وقرب وهجر
وقلوب فرحانه سعيده
وقلوب اتاخدت غدر
ياما سمعت شكوي
من قلب خله راح
لا صان معاه عشره
وكواه بعاد وجراح
وفاته لوحده يبكي
يشكي حتي الصباح
وياما شوفت فرحه
من بعد طول غياب
قلوب الحب جمعها
عايشي سنين احباب
دايبين ود ومحبه
من غير فراق وعتاب
عايشين الحب غنوه
ولا مره داقوا عذاب
بقلمي/اسماعيل عبد الهادي ابوالعلا
ومعكم اسرة التقديم للرد علي جمال اشعاركم في الساعة الثامنه من مساء اليوم
الشاعرة القديرة فتحية العتر
والشاعر القدير عدنان المسلماوي
والاشراف للشاعرة القديرة
استاذة نجاح حسنين رئيس مجلس الادارة
مع تمنياتي للجميع بسهرة ثقافية ممتعة
أخوكم / اسماعيل عبد الهادي
تعليقات
إرسال تعليق