رحلة سفر للشاعر علاء البسيوني

 رحلة سفر...

همسات: د علاء البسيونى

سافرت ياما كتير بعيد..

ولا كنت فى يوم سعيد ..  

ياما عدت عليا الأيام من سلام ..

من غير محبة من غير كلام ..

كلمة هنية ما سمعتهاش ..

دايما ملامة وعتاب ندامة ..

وملل يزهقنى مليان عتامة ..

حتى الصحاب من غير علامة ..

وشوش كلاحة ماطقتهاش ..

حتى الحبيبة كانت غريبة ..

بقربها منى انا محستاهش ..

كانت حياتى دايما صعيبه ..

عيونى زايغة بين الوشوش ..

كدب يا بويا سارح تملى ..

تقولش سوس بينخر فالعروش ..

ولا الخيانه وياالنتانه والعفانه..

بقى طبع سايد ملى الكروش ..

والصدق خلاص ما بقاش له عازة ..

ازى اعيش فى زمن الوحوش ..

ازى ابن الاصول يقدر يعيش ..

فى زمن المصالح الكيل منه طافح ..

زمن النداله والمهانة والصدامة ..

وفى سوق المصالح كل شئ مباح..

مايفرقش جنس ولا ملة كانت...

محمد ولا مينا مع ابن اللذينا ..

حتى هايتم وحبيبة كانت ولا حتى صباح ..

دى رايحيا يابا لفة ودايرة حتى الصباح ..

تعبت مرة دى عيش مرة علقم..

مراره طافح خنق جوايا كل الكلام ..

ما قدرتش خلاص على صلب عودى..

 وسط زمان عتمة وظلام ..

اتمنيت صباح يطلع يجَلّى..

 ويشيل عنى مرارة الأيام ..

لكنه تايه مش لاقيله سكة ولاعلام ..

وصحيت ياصاحبى لاقيته حلم من الاحلام ..

اترينى كنت بحلم بانى عايش ..

والحقيقة كانت صورة حية من غير رتوش

أيوة كانت صورة حيه من غير رتوش...