تايه للشاعر سلطان محمد بدر

 ماشى مش عارف

رايح على فين

ولا حتى انا

جاى منين

تاية فى دوامة الحياة

فى طريق ما اعرف

فين منتهاة

تاية ما بين بلاد وبلاد

واملى ومنايا عنى بعاد

بين ضلوعى نار قايدة

وجواقلبي حزن وسهاد

واندم وندمى يبكينى 

من إلى نسى عطفىو حنينى 

وحتى ماصنش الوداد

وفاتنى تاية بين البلاد

باعنى رخيص من غير تمن

ورمانى فى دوامة الزمن

تاخدني وتدور بيا

وتزيدنى آلام على فيا

مش لاقى إلى يواسينى 

ودمعي ليل ونهار بيسيل 

مش راضى يفارق عينى

واقوللها كفياكى يا عين

خلينى اعرف رايح على فين

أو حتى انا جاى منين

           كلمات الشاعر 

سلطان محمد بدر