يادم عربي أصيل للشاعر عرفات فرج الله
يا دم عربي أصيل
يا دم عربي أصيل....هاتلي لحبك دليل
قلبك نازف جراح....والموت فيك مستباح
أشرق يا نور الصباح....لعيون دموعها سيل
عايش ف حضن الوطن.....حاسس بالغربه ليه
وماليك حزن وشجن.........والقلب الجرح فيه
بسمه فوق الشفايف........ماتت والقلب خايف
الكل م الكل خايف.......ليه يكون دا حالنا ليه
الدم نهره واحد.................شريانه روح الحياه ف القلب النبض واحد....لو مات هانموت معاه
يا قلوب كل العرب ........فين راح فينا النسب
مفيش حاجه وسبب...............للبعد ونار أساه
هات ايدك وأيا إيدي..............نهد كل الصخور
يا شموع الحب إيدي..........لقلوب وامليها نور
ونعيش لحظه شروق...ونحي الحنين والشوق
ونشيل ألام الشوك......ومن الفرح نشرب بحور
تعليقات
إرسال تعليق