قلبي سلم للشاعرة عزة السيد

 انا قلبي سلم للبعاد

رفع الرايات

انا بطلت.... العناد

لحظة سكاات

انا بعترف بعد البعاد

الحب ماات

.....

بعترف اني اتوجعت

وفي طريقك بردو ضعت

اتحايلت على اللقا

وجمعت الفتات

لكن خلاص القلب مات

والوقت فات

والصبر من صبري غلب

....

أعلنت من دلوقتي موتى

واعترفت بطول سكوتي

وامتلكت ناصيتي

وناصية هوايا

مبقتش اموت

لو انت يوم مش معايا

مبقتش تاني في يوم

راح  أغرق في دموع بكايا

جفت دموعي

ووقفت تاني

أعلنت للكل انتصاري

واني اخدت اليوم قراري

الحب والهجران دوايا

وأنا آخرتي ذي الرحايا

لفيت ودورت

ووجعت قلبي 

لكن رجعت بالمفتاح معايا

بقلم عزه السيد 💕 💕 💕