ماتزعلش للشاعر عبدالحليم الشرقاوي
ما تزعلــــــش
ـــــــــــــــــــ
لو حد كنت فاكره
ليك في يوم صاحب
وغيرته الايام وبقى ليك
مش عاوز يتصاحب
أوعى تزعل عليه ولا
ليه في يوم تعاتب
هو اختار يفرقك ويبقى
فى الامتحان راسب
هو الخسران صدقنى وعلى
المشاريب هيحاسب
بكره هيعرف قيمتك لما
لغير يمشى ويصاحب
والى عمله معاك يتعم لمعاه
من الى خده بعدك صاحب
بس شطرتك لما يجيلك
ويقولك من تانى نتصاحب
قوله لا بصاحب العايب
ولا برقع الدايب
دا مثل قالوه زمان ...والى
ما يعمل بيه خايب
ــــــــــــــــــــــــــــــــــــــــــــــــــــــــــــــــــــــــــــ
الشاعر عبد الحليم الشرقاوى
تعليقات
إرسال تعليق