نفس المكان للشاعرة فاطمة عبد الكريم

 نفس المكان

نفس المكان اللي جمعنا من سنين..

عديت عليه وافتكرت معاه انا فين وانت فين .

نسيت قلوبنا . واتغيرت ملامحنا..

ولسه جوانا حنين 

شفت شجرة هوانا ..

اللي شهدت لقانا

اتبدلت رقصة أوراقها انين ..

بكت علي فراقنا في ليل حزين

سمعت اآه جذوعها بتنادينا ..

لما اتفرقت زمان ايدينا

حسيت ساعتها اد ايه الوقت فات ..

سنين هوانا بقوا ذكريات

مركب هوانا تاه ..

في وسط مليون آه

لملمت شوق السنين ..

مسحت دموع الحنين

وطويت شراع الهوي في بحر أحلامنا ..

ورجعت ودعت نفس المكان اللي جمعنا .