الصبر للشاعر رضا عبد الحميد
الصبر
(الصبر)
الصبر مر
بس من غيره العذاب ما يمر
انا اللى صابر انا
على جرح حبيب العمر
والصبر مابقاش
اختيار
بأه أمــــــر
الصبر مــر
♡♡♡
اديته كل حلو ف حياتى
فـّرحـْت قلبه وداريت آهاتى
ومشيت على الأشواك
ودست فوق الجمر
الصبر مر
♡♡♡
الصبر مر
ومراره دوا
للى انجرح
واللى انخدع
واللى انكوى
وغير الصبر
ايه يصبرنا
ومين غير الله
يعيننا على اقدارنا
ومين يقوينا
لما سنان الألم
فى سنين حيـاتنا تجر
الصبر مر
♡♡♡
الصبر لوينباع
هاتولى منه طن
انا اللى من الجروح
قلبى العليل بيئن
وهاتولى بسمه
وم الراحه نسمه
تخلف نوايا الظن
دانا فرحى م الهموم
إسمر
الصبر مر
♡♡♡
الصبر مر
لكن جميل مايضر
والله مع الصابرين
لحد مايحتلى المر
وآخره فرحه
وخبر جميل بيسر
باوصى قلبى بيه
ووصى اللى زيـي انضر
واقول لكل المحزونين
الصبر مش مر
••••••••••••••
صبر
شاعرالإحساس
رضاعبدالحميد
تعليقات
إرسال تعليق