الشيش متوارب للشاعرة عزة السيد

 الشيش متوارب على فكره

وأنا شايفه عيونك بصالي

وازاي جتلك بس الجرأه

ترفع عينك  على شباكي

انا شيفاك من فتره انا عارفه

ومتابعة عيونك وكلامك

.....

وصاحبت كل ولاد الحته

علشان اكون دايما ادامك

وقابلت اخويا وكلمته

علشان بس تقرب اكتر

الشيش متوارب على فكره

وأنا شيفاك واقف تتمنظر

انا عارفه انك قاصد خير

وأنا زيك اهو ذي الطير

بس الطير محبوس

ولا قادر يفتح شيش

ولا يقدر ينده على خله

ولا يتنبأ بالي حاصله

بس اهو واقفه في دري

الشيش

ببعت لعيونك بقشيش

علشان بردو تطل عليا

كل شوية ببص عليك

والشيش متوارب بشويش

.....

لما  ناوي تكلم ابويا

ومن الباب تيجي تطلب ايدي

ليه السرقه من الشبابيك

وتخليني واربت الشيش

الشيش متوارب على فكره

وانت براحتك تيجي متجيش

عزه السيد 💕 💕