صرخة للشاعرة فاطمة عبد الكريم

 ***   صرخة.  ***

عليت صرخة من جوايه ...

بأعلي صوت ..... بتألم 

اسمعني يمكن ....

تلحقني .. تداويني .. تريحني

يمكن بكره ما فات وقته ....

تلحق قلب بينزف آه ...

سنين الصمت القا دواه

وراح العمر باستني .. وباتمني

الاقي في يوم مراضيه 

في زحمة يومك بتعدي ...

وتنسي اني قصادك مرمية

شايفني كأني تماثيل 

نسيت تهتم بالتفاصيل

انا قلب بينبضلك سنين عمرك 

ما حسيت بيه في يوم.. عمرك

ولو يا حبيبي دا كتير ...

اتكلم . واتنهد بصوت مسموع

طب اسمع وامشي علي طول

ولو كان الدمع دا بحور .. اهي دموع

بكره هتنشف علي خدي ..

ايام الحزن هاتعدي

انا راضيه اعيش الصمت ...

وهستحمل واعدي الوقت

بتألم . بس بسكوتي ...

وهاصبر واستني يوم موتي

انا عايشه معاك منسية

من عطفه ولا حنية

ولو يا حبيبي دا كتير ...

اتألم واتنهد ...

واصرخ بصوت مسموع ..

وعيوني اللي بحر دموع

اديني حريتي ... كده كفايه

واكتب لجرحي كلمة نهايه

وانا شايلة قلبي بكفوفي..

اعلنت موته مش موتي

           كلماتي/ فاطمة عبد الكربم