طريق مشيناه للشاعر عرفات فرج الله

 طريق مشيناه

طريق مشيناه.....وكان لازم ف يوم نمشيه

طريق مشيناه............وعدينا طريق بعديه

   خدناالفراق لسكته والاشتياق باع لهفته

    ومن غير وداع ضاع اللي ضاع 

                            والقلب ماتت ضحكته

صبرنا الصبر ع الأيام .....وعشنا ف دنية الأحلام

ع الحلوه كنا والمره....................ولا تعبنا ولا مره

     والحب كان مكفينا ونار شوقه تدفينا

           سنين كانت ف يوم هانت 

                                  وللذكري لينا سابت

لا كان ع البال ولا الخاطر..........يكون الدمع يوم حاضر

وسبنا الأها ف قلوبنا..........................هربنا م اللي دوبنا

          ف العين الدمع مداعبنا وليل حزنه مصاحبنا

                    لكن روحنا علي جروحنا

                               وراحت زي ما روحنا

طريق وفيه زمان كنا................وبإيدينا خلاص هنا

مشينا لاين وكنا فيه..................بقينا كل واحد فيه

          علي الأشواك ياما مشينا. وبالأشواق وخطينا

                    دموع عينا اشتكت منا

                       بتسأل ليه كده حالنا

الشاعر الغنائي / عرفا فرج الله بلبل