في كلام للشاعر عادل علي
في كلام ......
بتقوله عنيك .
ومش بتقوله بلسانك
لكن ردي ياعمري عليك
أضحى بعمري علشانك
ومين ليا في حياتي غيرك
وايه الدنيا من غيرك
دنا في همومها أتوه عنها
وأحن لحضنك أشكيلك
أنا إللى بعيش معاك همسك
وأغير لو حد قال إسمك
كتير وبشوقى باوصفلك
بأحلي نغم باغنيلك
وباللى فى قلبى بحكيلك
بغيب عنك وقلبي معاك
وحلم العمر أكون وياك
ومهما أبعد تاني باجيلك
في كلام ......
بتقوله عنيك .
ومش بتقوله بلسانك
لكن ردي
ياعمري عليك
أضحي بعمري علشانك
ومتخبيش كلام عني
أنا سكوتك بيوجعنى
ليه منك بتحرمنى
تعالى وقوللى طمنى
بلاش الصمت يحرمني
وأحس إنك غريب عنى
ده صوتك ياما فرحني
وقلبك عمره ما جرحني
ومتخبيش أنا عارفك
كلامك حاسه بشفايفك
ومتطولش في سكوتك
أنا عاشق نغم صوتك
ياعمري العمر هايفوتك
وأنا أملى أكون وياك
وأعيش العمر كله معاك
ومهما بعدت هاستناك
في ...كلام........
عادل علي
تعليقات
إرسال تعليق