توهة للشاعرة فاطمة عبد الكريم
*** توهه. ***
تحت نفس الشمس ...
عايشين في غربة متوهانا
سكتنا مش عارفين
لفين واخدانا
ناس بتتحرق لاجل
لقمة عيش ....
وناس يا دوب عيشنها
بفرشه قديمه ..وغطا خيش
وناس مش حاسين ....
ببرد الشتا .. ولا حرالصيف
عايشين يقولوا الانا ....
متنعمين في الهنا .
* واهي توهه*
فوق نفس التراب .....
مشيين سكتنا
كل واحد في طريق ....
مختلفة دنيتنا .
يموت الفقير مالجوع ...
وغني علي الحياة مفجوع.
وناس مصحباها دموع
تبكي وصوتها مش مسموع
تنادي .... يا عالم يا بشر
يا قلوب قاسية زي الحجر
لو كان اللي معاه يحن ...
ما كان قلب الفقير يأن.
في ضلمة الحياة بنخبط ...
مشوار مكتوب علينا مقدر
كل واحد في طريق .......
بندور في الوشوش علي صديق
يمد ايديه ينجي غريق.
* ماهي توهه عيشينها*
سكتنا ماشينها
زي المعادن البشر .....
فيها الدهب الاصيل .. وفيها نحاس
فيها قلوب ازاز .... وفيها الماس .
* واهي توهه *
بقلمي/ فاطمة عبد الكريم
تعليقات
إرسال تعليق