أنا مرتد كلمات الشاعر محمد السيد سالم
..................{انا مرتد}...............
اكيد في ناس هتقولى دي بجاحه
وعارف ناس وصفوها بوقاحه
وشايف ناس و هاجموني بصراحه
وناس ظهرت كتير جدا على الساحه
وبعض الناس و جم قالوها بسماحه
يمكن هزله هوالجد
انا مرتد
انا مرتد واعلنها بكل وضوح
انا كافر بكل حرام و مش مسموح
هربت حتى مالكتمان اقولها وابوح
رحت اجري عالايمان وسابقه الروح
وقلت يا رب استرني مكان ما بروح
يا راحم كل اهل الارض
انا مرتد
انا مرتد من ذنبي ومن العصيان
طلبت التو به يا ربي وانا ندمان
انا المرتد من لا شيء الى الايمان
مهما كنت الف بريء انا انسان
في بحر مالمعاصى غريق انا غرقان
يا واحد احد و ماله حد
انا مرتد
انا جددت فى ايماني لكل ظنون
واصل ايماني وحدانى لرب الكون
و احمد ربي خلاني شاكر ممنون
واعاهد ربي بايماني اصلي واصوم
واحفظ عهد للتقوي وعهدى اصون
ولان انا ليا حق الرد
انا مرتد
كلمات
محمد السيد سالم
تعليقات
إرسال تعليق