الكورونا للشاعر عرفات فرج الله
***** الكورونا *****
علينا الكورونا جايه.........متشكله
ولينا دي عامله أزمه ......ومشكله
قالولنا خدوا وضع احترازي.......وكلامهم كان استفزازي
إحمي نفسك وف البيت خليك.......ليا وليك ألله يخليك
طب العامل باليوميه........واللي رزقه علي المولي
وغيره م الأرزقيه...............اللي الشغل ليهم أولي
يوم ما يقعد ف البيت......مين هايصرف ع البيت
مين يساعده ف وقف الحال
مين يسد عنه الأموال
واحتياجه لأهل بيته.....مش يكفي ولو اديته
مش الكل معاه الفلوس.......وميهمهوش قاعده البيت
داللي متعبي ف النفوس.....أكتر كتير من قاعده بيت
يا ناس ما تشوفوا الغلابا...........اللي ف حالتهم طيابا
علي لقمه العيش وبس........عايشنها بالهمس وبالحس
خلوهم ياللا جوه البيت......كفوهم بس قاعده بيت
الشاعر / عرفات فرج الله بلبل
تعليقات
إرسال تعليق