اوعاك ياولدي للشاعر هيثم النبراوي

 اوعاك ياولدي

إوعاك باولدى ..تجرح عزيز 

وبعدين  تقول له معلش..

أصل معلش

 بعد الجرح ماتنفعش

إوعاك تقسى القلوب

 وبعدين تطلب حنية

ماهى الحنيه 

بعد القسى ماتطلبش...

إوعاك تشيل منك النفوس 

وبعدين تطلب صفا

النفوس عمرها ماهتصفى 

على نفسك  ماتضحكش

أوعاك توجع روح

 وبعدين تطبطب عليها

يابنى وجع الروح

 آلمه مايتوصفش

إوعاااك تخون اللى وثق فيك

وبعدين تطلب الأمان 

أصل اللى يخون مايتأمنش

سامحنى ياولدى

على قسوة كلامى

 وماتزعلش

انا قصدى أنصحك

أصل النصيحة بعد الغلط 

مابتفدش

هيثم النبراوي