بخط الايد للشاعر محمود الحريري

 "بخط الإيد" 

قصيدة باللهجة العامية 

----------------------------

بخط الإيد وكتَبتْلى

رسالة كلها أشواق

ووصفتلي مشاعرها

ولوعة قلبها المشتاق 

وإنها.. لما حبتنى .. 

بقت واحدة من العشاق .

وإن وجودى ف حياتها 

صبح ليها كما الترياق . 

............ 

بخط الإيد وكتبتلى

كلام لهفة وكله شجون

تبوح بهواها اللى متدارى 

ولسه ف قلبها مدفون .. 

وإنى الشخص اللى بتحبه 

وغيرى مفيش ف كل الكون

وتتمنى تعيش جنبى 

لآخر العمر مهما يكون  

............... 

وانا بدوري.. كتبتلها  

وقلتلها.. باموت فيها

وإن هواها جوايا .. 

وأحاسيسى.. كلها ليها  

أعاهدها.. واطمنها 

بكل كيانى..أحميها .

وجوه القلب راح اشيلها

وبرموشى ... أغطيها

----------------------------- 

بقلم : م/ محمود الحريرى