دهب قشرة للشاعر الكبير طارق الكردي
#دهب_قشرة
خدتني التوهة والدهشة
بحس بلهفة وبوحشة
على عمري اللي راح بدري
سهرت ف ليلي ولفجري
وقلت أبص ف مرايتي
لقيت الوش مش وشي
ولا كانت كده بدايتي
فقلت وماله إيه يعني
وتر مقطوع ف عود هلكان
ولا يعزف ظلمنا الحب
ولا هيقول كما ثومة
بعيد عنك حياتي ركام
وعمر ما دارت الأيام
ولا يحكم علينا هواه
بحط صباعي على حاحبي
لقيت الشعر كيف أبيض
وإيه.. مداري ف التجاعيد
واتاري الشيب طلع خاين
مصمم يخلف المواعيد
مشيت ورجعت لمكاني
وقلت اتشفى ف الأحلام
هنام ودماغي بتفكر
وهصحى لاجل مااهزمها
ومش تيجي هنا عندي
ومش هوصفلك العنوان
ماانا حلمي طلع زايف
بأدي رسالتي وانا خايف
وابص بعيني مش شايف
وحتى النور صبح عتمان
وناس طلعت دهب قشرة
وصبحوا كتير.. وعلى فكرة!!
بيصحوا يصلوا للرحمن
يا عم هاعيش مع حكايتي
وهرجع ابص ف مرايتي
ولو مالقيت هنا صورتي
هاقول انا تهت ف العنوان
بلا رسالةبلا دياولو
ماقبلي ناس كتير حاولوا
ويتشاورا ويتداولوا
وتاهوا ف زحمة النسيان
ههيئ.. وألف هيئ وهيئ
بقه ممكن زماني يرق؟!
وأرجع تاني قلبي يدق؟!
وأرجع ابص ف مرايتي
وأوصف تاني ف العنوان
واقولك برضو مش فارقة
وإيه يعني وتر مقطوع
ف عود هلكان
ولا يعزف ظلمنا الحب
ولا هيقول كما ثومة
بعيد عنك حياتي ركام
ولا يحكم علينا هواه
وعمر مادارت الأيام
#طارق_الكردي
تعليقات
إرسال تعليق