دنيا شايلة هموم للشاعر هيثم النبراوي
دنيا وشايله هموم الناس
بس الرك على الإحساس
كله يسلم كله ماجاش
ماشي يخبط الخناس
■■■
شايل كفنه فوق سعادتنا
غاوي يعكر لينا راحتنا
هو النار وفيها فايتنا
زيتنا دقيقنا بدون إخلاص
دنيا وشايله هم الناس
■■■■
المتكبر فيها بيدبر
والمتصبر ملحه يزيد
إشي متحسر وإشي متكسر
وإشي قلوب عيونها حديد
■■
كله يقيد الضلمه لنفسه
فاقد امسه
بكره يقصه
طب وإمبارح؟
محتاج ليه ميت وناس
دنيا وشايله هم الناس
■■■■■■
تيجي تصبح يوم على نفسك
تلقى مراية يومك عتمه
تمسح خط الجبر لوصفك
تلقى حياتك صبحت كاتمه
وسنين لاطمه فوق الراس
دنيا وشايله هم الناس
■■■■
إيه أخبارك قول طمني؟
لسه يافكر زعلان مني؟
طب طمني
وقولي فاكرني!!!!
ليه تألمني؟؟؟؟
وليه تقفلني بميت ترباس؟!!!
دنيا وماشيه وفيها ننداس
■■■■■■
حاسب بس من الخناس
إوعى تسلم ليه جناحاتك
إوعى تساعده في هدم حياتك
عيش أوقاتك جبر خواطر
خليك دايما إنت الشاطر
وخليك فاكر
باقي العمر
إسجد ••صلي••• إدعي•••• وصر
تفيد نفسك يوم ماتضر
إوزن خير الدنيا بفعلك
واللي يبيعلك
إشتري منه وبإخلاص
دنيا ماشيه عاكسه الناس
●●●●●●●●●●
هيثم النبراوي
تعليقات
إرسال تعليق