عودة الروح للشاعرة فاطمة علام
(عودة الروح )
لهيب حبك كما البركان
بيحمل جوا طياته
دفا وحنان
ويملا القلب بالنشوة
ونسمة صيف بتتمايل وتاخد عقلي والوجدان
و كان ورقي صبح ناشف
وارضي الخضرا
جافه وبور
بيتشقق جدار الصبر
في حيطانه
وباستسلم انا
لليأس وأيامه
انا م بقتش دي القادره اللي كانت تعترض وتثور
على الأوجاع
عشان ماتغور
بقيت عايشه أعد الباقي من عمري
ف حلقي مرار كما الصبار
لطعم الهجر وشجونه والآاامه
يعدي الليل وتنهيدتي
على خدي
أشوف وجعي
سنين وحدي
ومن حجمه يخدني حلم نسيانه
وكل اللي باقي فيا
حبه من الحنين
لأيام زمان
والذكريات
تاخد وتدي
حياتي زمان
كما شجره
من الصفصاف تضلل ع الجميع ودي
لكن ..
قتلها حنينها للمة العيله
وراكية نار تدفيها وتحميها وتسهر باقي لياليها
وتتسامر مع الأحباب وتستقبل
شعاع الفجر مع أول نسيم الروح
وكنت إنت كما قطره ندى نزلت
على جروحي
رويت أغصاني
من روحي
وورد النبض
في وريدي
طرح تاني
وسهم العشق نساني
ف ساعتها كل أحزاني
مين المظلوم
مين الجاني
وصوت جوايا ناداني
أعيش من تاني أيامي
وأفتح للربيع بابي
يصب الفرحة بشبابي
وأنام مع ضل احلامي
#فاطمه علام#
تعليقات
إرسال تعليق