أنا الخايف للشاعر ابراهيم المؤذن

 انا الخايف 

اكون رميانى ع الهامش

وانا اللى مشيت على رمشى

عشان اهمس انا عايش

عشان حبك

عشان ازرع ورود حبى

على دربك

وانقش فوق خدود الكون

انا المصلوب على بابك

لانى تجاوزت حدود الحلم واتكلمت

وانى لحبك اطمنت

وانى كنت متهور فى يوم اعلنت

وانا الحاسس

كأن الدنيا بتلومنى

على انى حلمت فى يوم

اطول الشمس

فمتلومنيش على صمتى

على خوفى على بعدى

لانى شايف الدنيا بترجمنى

كأنى كفرت

فى يوم ماقلتها فى سكره 

بأنى بحب

وانك فى صحارى القلب

نهرى العذب

ونور الضى فى السكه

وامان الدرب

فمنك انت بتأكد

انا قلبى على الهامش

والا بقلب المتن

شعر ابراهيم المؤذن