أحسنت الاختيار للشاعر حسن الشوان
......... أعز حبيب .........
القلب هو اللي بيختار
الروح والجمال والقلب
البستان مليان أزهار
والألوان تشرح القلب
بس الإحساس له معيار
والإشتياق لأى محب
وأنا أحسنت الإختيار
لما حسيت فيك الحب
خدتينى بسحر هواكى
ونظراتك وراها أسرار
ولقيت قلبى معاكى
بيكتب عنك اشعار
دايب فى رقة نداكى
هايم فيكى ليل ونهار
مشتاق ليكى بالحنين
حاسس بيكى بالأفكار
كنتى فين من سنين
بدور عليكى من زمان
وسط الفل والياسمين
وعطرك جوايا ريحان
اللى فات مش محسوب
من بعد ما دوقت الحنان
وإنت أغلى وأعز حبيب
وانا معاك لأخر الزمان
.......................................
.......... حسن الشوان ...........
تعليقات
إرسال تعليق