الحق عليك للشاعر أحمد صبري
الحق عليك
-
لما بتدي الفرصة لحد
يلعب بيك
ولما بتصغر روحك
جوه عنيك
لما بتبيع نفسك
وماحدش يشتريك
يبقى
الحق عليك
لما تكبر موضوعك
لما تكتر في دموعك
لما تكسر في ضلوعك
ولا حد يحس بيك
واما تصدق تخاريفك
وترمي درعك وسيفك
لو حتى تروح بكيفك
او لو تغمض عينيك
اكيد
الحق عليك
حلوة الحقيقة مافيش كلام
حلوة الناس والدنيا تمام
إنت إللي في زمن الاوهام
لو ماتعلمتش من لياليلك
إنت إللي ف الاْخر خسران
وإنت إللي ع الاْخر غلطان
لسه بتدي الناس اْمان
خود شوفت إيه بتديك
................
والحق عليك
تعليقات
إرسال تعليق