احساس الدبدوب للشاعر المبدع مجدي حسن

 قصيدة / احساس الدبدوب

انا مستغرب ازاى  عملوا عيد للحب قبل لقانا

قبل ما اقرّب وتدوب روحى ونبض القلب  فبحر هوانا

وازاى عِرفوا معنى الحب لما اتنين يشتركوا فقلب

وازاى بيفسّر احلام يحيى قلوب ويهوّن صعب

كل العالم ليه عيد حب وانا وانتى عيدنا لوحدينا

يوم ما قابلتِك.دق القلب وقمرنا نوّر ليالينا

آه يازمن ياعجيب تاخد.كتير ماتجيب

الحُب كان بالورود دلوقتى بالدباديب

عيدنا مشاعر نبض قلوب عيدهم احساس الدبدوب

اول مره قابلتك هوّا دا يوم العيد

اول فرحه وبسمه وهمسه ولمسة إيد

كنتى خايفه تجربى من هوايا تقربى

واما عينى تشوف عيونك كنتى منى بتهربى 

قلبِك بِكر زى مشاعرٍك عشتى بفكر ماحدش شَغَلِك

كنتى شايفه الحب نار شوق وحيره وانتظار

واكتشفتى فحضن قلبى حُبنا شمس النهار

كنت اقولك صدقينى ساكنه فى القلب وعيونى

وابتدينا نعيش حياه ننسى جرح وننسى آه

ليل نهار طيفِك قصادى راضيه بيّا وبيكى راضى

الله على حُبنا على فرحة قلبنا

وكأن الدنيا جَنه مزروعه بعشقنا

الله على الوفا ع الصدق والصفا على كل لحظه بيننا على حُضنِك والدفا

شعر/ مجدى حسن