اتخيلت شكلك لجناب الشاعر المبدع محمود الحريري

 -"إتخيلت شكلك"

قصيدة باللهجة العامية 

 --------------------------------

ياما اتخيلت شكلِك   

قبل ماتشوفِك عيونى 

ياما سمعت صوتِك

كل ماتغَمَّض جفونى 

......... 

ياما حلمت إنِك .. 

شمس بتبدد غيومى 

وبحنان بتمد إيدها

تضُمِّنِى وتزيح همومى

............

ياما حلمت إنى... 

هاسكن يوم في قلبك

وارسم الفرحة ف عنيكِ

وإني أعيش العمر جنبك

َََََََ.......... 

واستمر معايا حلمى 

إنى لازم يوم هاقابلِك 

وإن قلبى فى يوم هيفرح 

لما يِتْوَنِّس بحُبِك .. 

.......... 

ويوم ماشفتك فى الحقيقة

طلعتِ أجمل م الخيال .. 

وسمعت صوتِك نغمة حلوة

وضحكتِك سحر ودلال .. 

وف عيونِك نظرة صافية

جمال طبيعى ملوش مثال

.......... 

ولقيت في طبعِك رقة ناعمة

مش ممكن تخطر على بال 

دا انتِ حُبِّك أغلى نعمة

وعمره.. مايتَّاقِل بمال .

-----------------------------

بقلمى :

م/ محمود الحريرى