لو قابلتك لجناب المبدع الشاعر صلاح أمان
دائما ما يحن البشر الي الماضي ويترحم عليه فهو يذكرهم بأيام الطفولة والشباب وأحداثها والتي غالبا ماتكون جميلة ومحببه للنفس وقليل من الشعراء من تناول في شعره أحداث الماضي فهم دائما غرقي في احداث الحاضر وأماني المستقبل وفي هذه المنطقة البعيدة من الماضي تتناول قصيدتي الغنائية جانبا من جوانبها بشكل ارجو أنا ينال اعجابكم .
لو قابلتك
*****************************
لو قابلتك فجأه بكره
بعد طول البعد بينا
لو قابلتك ايه حيجرا (ي)
لو نصحي الكون عشانا
أيوة حبك فيا ساكن
أيوه مشتاق ليكي لكن
السنين حتحوش لقانا ؟
ولا حتجدد هوانا ؟
الشباب زاد بعده عني
والمشيب خد حقه مني
بس قلبي بيحايلني
اني أقابلك يا حبيبتي
لو قابلتك
............
لو قابلتك حتلاقيني
لسه فاكر يوم لقانا
لما عينك جت في عيني
والقدر كمل معانا
فاكره يومها .. كنتي خايفة
كنتي رافضه وانتي عارفه
ان قلبك دق ليا
وان باين من عنيه
ان حبك جوه مني
وان قلبي بيخايلني
وبمشاعره بيحايلني
اني أقابلك يا حبيبتي
لو قابلتك
..............
لو قابلتك يوم وشفتك
يبقي بختي م السما
حبقي طاير بيكي وانسي
أي حاجة مؤلمة
ون عيونك أنكروني
ولا حبوا يرجعوني
لأ.... حفكرها بغنايا
وبقصايدي المغرمة
لما كانت ليا وحدي
هي بس الملهمة
كل دا جوايا واكتر
لو قابلتك يا حبيبتي
................................
تعليقات
إرسال تعليق