لحن الطيور للشاعر المبدع مجدي حسن

 قصيدة/  لحن الطيور 

ضيعى زى ماضاع كل شئ فى حياتى

سيبينى للأوجاع للدموع وآهاتى

ابعدى ايوا لازم تبعدى

ياما كنتى بتحلفى ياماكنتى بتوعدى بالوفا آه م الوفا اللى كان قصدك جفا

وانتى اسمك فوق شفايفى سكه للعشاق ونور

وانتى صورتك جوّا قلبى صوره لربيع الزهور

لحن صوتك بسمعه احلى من لحن الطيور

معقول دى نهاية حبى

معقول ينداس على قلبى

ومين اللى بيإلمنى حبيبى اللى ارتوى منى

من بعيد الفرحه بتنادى الحزين اللى ضيّع فى الهوى والشوق سنين

بتناديك الفرحه قوم افرح ياقلبى للسعاده كنا دايما مشتاقين

قوم افرد.جناحك قوم رفرف وطير قوم انسى جراحك مابقتش الأسير 

صفحة ماضى عشته وطويتها الليالى

حلم فيوم حلمته

فسرته بخيالى

كان عمرى لعينيها اتأسر والقلب بإيديها اتكسر

مابقاش بينبض إسمها

ولا يوم يدق لحبها ويقول دا غالى

مش هقبل اعيش عمرى فكدبه ولا قلبى يكون ابدا لعبه

بتمنى يفقد قلبى يوم الذاكره ولا يوم حكاية حبى تبقى مؤثره

ينسى عذاب الروح وهوانى ينسى جراحى وليل حرمانى 

ولا يهتم فيوم بمشاعر ولا يظلمنى ويعشق تانى

شعر  / مجدى حسن