قلبي يامصر للشاعر المبدع اسماعيل عبد الهادي
...*( قلبي يا مصر )*...
يامصر يا حته من قلبي
عشان خاطرك ح اغنيلك
لا قالها قبلي ولا بعدي
ح اغنيها ف جمال ليلك
راح اشيلك جوه عيوني
وازرع ضلايه ف غيطك
وتراب ارضك ح أبوسه
واسهر على شط نيلك
.....................
ف الضله احكي حكايتك
والعالم كله شايف
من أول فجر يطلع
وحضارتك .. ع المشارف
اهرام وتاريخ ومناره
و أمان لكل خايف
مكتوبلي اعشق أرضك
أصل أنا علي حبك حالف
.....................
الله يابهيه عليك
يا عروسه طول زمانك
دي الجنه هي ارضك
والحنه من ترابك
والشمس وهي طالعه
بتسبح فوق غيطانك
ومهما اعيش يا بلدي
ع الراس اشيل افضالك
......................
بقلمي/اسماعيل عبدالهادي ابوالعلا
تعليقات
إرسال تعليق