مش كل من كتب لجناب المبدعة الشاعرة إيمان رضوان

 مش كل من كتب الحروف

ذوقها بالحكمة

ولا كل من قال كلمتين

شاعر وله كلمه

ولا كل وش عليه رتوش

بيتسمع غنوة

ولا كل واحد كان نزيه

بين الكبار عبرة

ولا كل شاب وكان جميل

قالوا عليه خبره

الشعر عنقود م العسل

على، الشجر طارح

من وسط، ورقه لو دبل

عسله يبان نايح

ريحه تفوق بالمسك

لو حتى مين حاير

يشم ف عبيره

يجري عليه طاير

يا مزوقين الكلام

مش رص ده وخلاص

بيكا وحمو وغير

بيخنق الأنفاس

مراكبنا ديه لينا

وشطنا مرسا

نتعب وتحينا

وتضمنا بهمسة

نغرق ف بحره بعمق

ونقول كمان لسه

متخدرين بالجمال

ابداعنا له حاسه