ولعت صوابعي للشاعر المبدع مهندس محمود الحريري

 #"ولعت صوابعي" 

---------------------

ولعت صوابعي العَشَرَة

وحفظت بروحي العِشْرَة

وأنتَ مفيش منَّك فايدة

ولا توفي بوعدَك مَرة

وف كل كلامَك تكذب

ولا تتحرك فيك شعرة

وكتير بتقوللي كلام

مليان ألغاز وبشفرة

وبتعمل كل ده ليه

خليتني أحس بحسرة

سكنتك جوه ف قلبي

عمرى ماخليتك بره

وعشت معاك أيامى

ع الحلوة كمان والمُرة

ووهبتك كل حياتي

سببت لقلبى الكَسْرَة

أنا قررت ابعد عنك

واعلن على قلبك ثورة

واهرب من حبك يمكن

تنطفي ف القلب الجمرة

-----------------------------

بقلمي؛ 

م/ محمود الحريرى