أحلام اليقظة للشاعر حلمي سلامة
احلام اليقظه
...................
اظاهر احلام اليقظه
بتراود قلبى المستنى
ان انت تبان
وتقوله لامتى تعيش حيران
مستنى اللى عيونك منه
يظهر قدامك وكانه كان مستنيك
اتريك متعلق فى الاوهام
وبتحلم حلم ملهش ملامح فى الاحلام
حلمك بهتان
اصل انت بتحلم احلامك من غير ماتنام
ياسلام ياسلام
اصحى من الحلم المتكسر
واتحسر عالحب الضايع
بتحب فى حد مايتحبش
ولا بيك يوم حس
بتحب وبس
بتحب فى حد ماشافش الشوق حيران فى عنيك
طول عمره ناسيك
ويمثل انه بيفتكرك
ارحم قلبك
ملعون الحب اللى تحبه لواحد جاحد
ملعون اللى تقوله بحبك واتريه بارد
ملعون اللى هيرضه لنفسه الطرف الواحد
والطرف التانى مابيحبش
عايش للغش
عايش علشان يكسر قلبك
وانت المحقوق
اتفضل دوق
اشرب من ايده كاس المر اللى انت راضيه
وهتعمل ايه
من يومك عمال تتعلق فى حبال الحب المقطوعه
وبترسم احلام فى خيالك من قصص الوهم المصنوعه
قدرك ان انت تحب فى واحد قلبه حديد
طول عمرك صايم على ايده مش جاى العيد
عمال بتحبه ومش لاقى غير هجروصد
بتعدايامك فى بعاده ويزيد فى البعد
تبعتله بشوقك وغرامك ومجاش الرد
بتحبه وهو من الاخر مايحبش حد
مايحبش حد
حلمى سلامه
تعليقات
إرسال تعليق