يمكن للشاعر اسماعيل عبد الهادي
....*( يمكن )*....
....................
أمتي نحس بطعم الحب
وندوق شهده العمر بحاله
يشفي جراح العين والقلب
لما ح يسعد حالي وحاله
اصل قلوبنا لما تحب
ترقص روحنا علي انغامه
حتي الناي بالفرحه يغني
والكروان ح يقول مواله
*************
يمكن بحلم والا أنا صاحي
إني عايش حب حقيقي
يشفي آهاتي ويا جراحي
بدر ينور كل طريقي
ممكن فيه بالشكل ده حب
قلب يشبك إيده ف إيدي
يبدر أرض الدنيا محبه
يقول ياشموع الحب قيدي
*************
جايز يمكن أن اكون غلطان
إني كتير جيت على قلبي
ياما نصحته ليالي زمان
لما لقيته هيمان ويخبي
طول الليل حيران سهران
محتار يبكي والا يغني
خوفت عليه وندهت عليه
روح لحبيبك لو مستني
*************
بقلمي/اسماعيل عبدالهادي ابوالعلا
تعليقات
إرسال تعليق