أنا العاشقة لجناب المبدعة الشاعرة حنان الجوهري

 انا العاشقة وعشقى كبير 

وانا جنبه بغني واطير 

كأنى ف جنة بتهنا 

وعاوزة الفرحة تستنى 

تعيش فينا وتسكنا 

ولا تفوتنا بدون تفسير 

انا العاشقة انا الدايبة 

وماسكة ف ايده مش سايبة 

وساكنة ف قلبه ليل ونهار 

ورغم البُعد مش غايبة 

ولو فكر ف يوم يمشى 

الاقي عيونى ماتنامشى 

 

وانا  بغيره ما بحلمشى 

وعن عشقه مانش تايبه 

كتبت الشعر قلت كتير 

جميل الروح و قلبه كبير 

وقلبى بحبه متدفى 

ياريت الوصف بيكفي 

لشرح جماله ويوفى 

لكن مهما هقول واشرح 

اكيد هعجز عن التعبير

#حنان_الجوهري