أنا عاشق للشاعر مجدي حسن

 قصيدة/ انا عاشق

وبيقولوا زمان الحب عدى وراح

وبيقولوا بيدينا عذاب وجراح

انا عاشق وبوعودك بتدينى امل وحنان

ولحظة عشق فى وجودك بترياقى من الاحزان

اربع حروف بعيشها لما

اسمعها بس منّها

نفس الحروف ولا اى كلمه

من غيرها ممكن احسها

انا عاشق حبيبتى حوريه م الجنه

واتمنى اعيش وياكى واتهنى 

اكون دايما صباع روچك ومكحلتِك

واكون البودره لخدودِك واكون التوكه لضفيرتِك

اكون نبضِك واكون همسِك

واكون العقد فى رقابتِك

اكون لِبسِك واكون لامسِك

اكون الضى لعينيكى اكون ضلك واكون شمسِك

اكون صوتِك وانفاسِك

وبسماتِك واحساسِك

انا عاشق وعشقى مالوش مثيل فى الكون

انا عاشق وجنبِك صعب عمرى يهون

وزى ماكنت بحتاج امى بحتاجلك

ولمّا يضيق عليّا الكون

براح الكون يكون حضنِك

ولو قلبك يكون قارب يكون قلبى انا مجداف

ولغز لحُبنا غالب

عشانك اكون انا عرّاف

انا سندِك انا ضهرِك

اضيف عمرى على عمرك

وحتى العمر يبقى قليل

لو عمرى يكون مهرِك

شعر/ مجدى حسن