طاووس للشاعر مجدي حسن
قصيدة / طاووس
لا مش ثوانى او دقايق او ساعات
لا دا اللى بينا طفل غالى وفجأه مات
كان فى خانة عمر بيننا
وراح فى خانة ذكريات
مات مابين امه وابوه
لما هجروا واهملوه
والامانى والاغانى
اصبحت يأس وسُكات
وبدَل مايدفى ف حضننا
ويكون قمرنا وشمسنا
كان الفرق مكتوب لنا
واتحوّل الفرح لآهات
كان قلبى بيطبطب عليك
قلبك كمان طبطب عليا
مسحِت ايديا دموع عينيك
مسحِت ايديك دمعة عينيا
كان الحنان اجمل مافيك
جاتلك منين القسوه ديّا
واما اتغيرت فجأه
مابقتش معايا فارقه
مبقاش قُربك منايا
مبقاش بُعدك مفاجأه
مبقتش حاسه باهتمامَك
وبرعشة الحب ف سلامَك
وجع الفراق يشبه لقانا
صوت السكات يشبه كلامَك
كان مستحيل كل اللى بيننا انساه
وكل لحظه عيشتها بحياه
قولت معاك العمر حعيش
قلبَك باعنى ما اشترانيش
عمرى ماسبت ف لحظه ايديك
كنت عشانَك بس بعيش
وازرع احلامى ف اراضيك
كنت ف عينى ملاك واتاريك
زى طاووس وخدعنى الريش
شعر / مجدى حسن
تعليقات
إرسال تعليق