اختارتي غيري للشاعر مجدي حسن

 قصيدة / اختارتى غيرى

وبترمى شباكِك على غيرى

وانا واقف بستنى مصيرى

كان ليه قولتيلى من الأول

مالكيش فى الدنيا حبيب غيرى

انا مش حعيش بَعدِك فى نار

ولا بُعدى عنِك انتحار

انا وانتى كُنا اتنين حبايب

مش كان مابيننا خصام وطار

اخترتى غيرى ؟

كنتى تقوليلى

اعرف مصيرى واديكى حق الأختيار

ولا كنت حقبل ابدٱ نكمل

كان الفراق حيكون قرار

مش صح يضيع عمرنا

فى طريق لاطريقنا كان ولا حابينه

يبدأ بربيع ونهايتُه غريق ولا حاسين بيه ولا شايفينُه

م الاول كدا ننسى الأيام

تقوليلى واقولك ياللا سلام

مبقاش لقلوبنا طريق واحد

لاحنتقابل ولا نتعاهد

ولا حتى حشوفِك فى الأحلام

مانقولش ف يوم حيقربنا من بعض سكوت او حتى كلام

بتمنالك كل سعاده يديكى الحب وبزياده

ويكون مكتوبلك خير وياه

ويكون حُبك عندُه عباده

اما انا والشوق معايا

رغم الفراق وضياع هوايا

عندى النهايه زى البدايه

يمّر طيفك اتبسِم

من ذكريات اجمل حكايه

شعر /  مجدى حسن