جناية بقلم الشاعرة المبدعة أميمة سلطان
جنايه
......
ربما تقدر تعاند
بس قوللي لحد إمتى ؟
بالدقايق خمسه سته
بعدها ح تجيني تجري
لمّا تلقى النار ف قلبك
والنسيم من عندي بحري
يعني لو ناوي تخاصمني
رح تخش النار برجلك
أما لو ح تسوق ف عندك
مش ح تقدر كام دقيقه
هيّ دي بس الحقيقه
إللي مش قادر تقولها
حتى جرّب وانت تعرف
دنيتك ازي حالها
الثواني تحس طولها
والدقيقه بألف يوم
مش ح تقدر ع الهموم
إللي ح تشوفها ف خصامي
رح تتوه بين الأسامي
والجميع رح يبقى إسمي
جيش عنادك ييجي يمّي
ينهزم من غير كلام
يعني لو تنوي الخصام
مش ح تلقى غير هزيمه
د العناد يصبح جريمه
وانت مش قد الجنايه
يعني لو خبّيت هوايا
رح تعيش من غير لزوم
كله كوم والحب كوم
أوعى ..
بالعند تداريه
بقلم
أميمة سلطان
تعليقات
إرسال تعليق