رذمة ورق للشاعر مجدي حسن

 قصيدة / رُذمٍة وَرق 

ورده جميله وضحكتِك أنغام

نظرة عيونِك مَصدر الإلهام

بلمِس إيديكى يبتسم زَمَنى

تِدفى المشاعر صاحى واللا بنام

لو هوصفِك والوصف يبقا تمام

لاتكفّى رُذمِة ورق

ولا دستتين اقلام

لكن غيابِك لحظه مش أيام

لابعيش نهارى ولا بَعرف فى ليلى أنام

تروحى عنى وتغيبى

وتيجى تقولى ياحبيبى

وليكى مُحامى جوايا

بيكسَبلِك قضايايا

وبيهدد ويتوعد اذا فكرت يوم ابعد

يوقّف نبضُه وحياتُه

واحساسُه ودقاتُه

يقول م الدنيا يكفينى

حبيبه ساكنه شرايينى

ومهما غيابها عنى طال

وزاد البُعد والإهمال

إهمالها بيحيينى

دى عشق وم السما جانى سِكن روحى ووجدانى

ولو فكّرت انساها

مين غيرها افتكِر تانى 

ابعتيلى جُمله واحده.قولى فيها انِك بخير

واللا كِلمه بيها هرضا

قلبى م الافراح يطير

ما اتعودناش نبعِد عن بعض

ولا جربناش يوم وجع البُعد

خلينا نعيش زى ماضينا لانجرّب شوق ولا نِخلف وعد

خففى الحرمان شويه

انتى والأحزان عليّا

واللا يعنى عشان عِرفتى م الوجود انتى اللى ليّا

شعِر / مجدى حسن