عودي ياهاميس للشاعر جمعة البقاري الأنصار
عودى ياهميس ( ج_٢)
**********
بقلمى / جمعه البقارى
***********
اسمعيها منى ببنت الناس
ياحبسه الجن فى قزازه
ياقاتله القتيل وماشيه
تصوتى فى الجنازة
فى الشغل مبتسمه فراشه حيرانه
والبيت مهمومه حزينه نكدانا
يضاحكه على نفسك وفرحانه
أنا الوزيره ومديره وأستاذة
ارجعي بيتك يبت الناس
نيره لاول ولا اخر ضحيه
ياما ضحايا فاتت وكتير جيه
بلاها مكابره ولا تكونى عنديه
اصبح نزولك مالهش عازه
عودى لبيتك يبت الناس
ترك البيت اصبح غيتك
غاب حنانك حاضره قسوتك
الجانى والمجنى عليه ربايتك
عرفتى أن ربياتك غير ممتازه
الأولى بيتك يبت الناس
بلوفر من ايدك كان يدفى
وقطعه ف قميص ليها ترفى
شكرا زاد مصروفى زاد ترفى
بقيت شاب محتاج عكازه
نورى بيتك يبت الناس
نزلتى قلتى تساعدي الراجل
شيلتيه هموم على همو مراحل
يستنى اللحظه فيها عنك راحل
على القهوه يفضفض يشرب كازوزه
عودى بيتك يبت الناس
نزولك سلبى النتائج على العموم
اكسسوار مستورد برفان والهدوم
تبكى تصرخى أنا كائن مظلوم
نسوان تخنق حاجه تجيب نرفـذا
لايميها وعودى
بسبب نزولك غلا وجنيه يعوم
بطاله يقضى الشاب حياتو نوم
زحمه خطف وتحرش كل يوم
والطفل الرضيع كره البزازه
واسمعيها منى يبت الناس
يحابسه الجن في قزازه
قاتله القتيل وماشيه
تصوتى عليه فى الجنازة
ـــــــــــــــــــــــــــــــــــــــ
جمعه البقاري
تعليقات
إرسال تعليق