سوق الحبايب والصحاب للشاعر القدير اسماعيل عبد الهادي
.*(سوق الحبايب والصحاب)*.
يا خساره والف خساره
علي قسوة الحبايب
كات. فين دي القساوه
وازاي كان قلبي غايب
ياما شوفت معاه كتير
ولا نابني ف حبه نايب
طلعت غشيم في. حبي
وشوفت معاه عجايب
************
حتي الصحبه الحلوه ناسيتها
اللي فاتت من سنين
لجل مظاهر الدنيا الفانيه
تزرع جوايا الأنين
تزرع ليه جوايا جراحك
ليه تبكي دمع العين
*************
قولي قلبك شكله إيه
والا مصنوع من معادن
ليه تعانده وتيجي عليه
وجوه منه كنت ساكن
ليه تيبعني بالرخيص
وتنسا وتقسا وتعاند
ياما خلفت كتير مواعيدي
عمرك م بتصدق وتواعد
************
اوعي تفكر لسه ب حبك
م انت بعته من زمن
حتي العيش بالملح نسيتهم
وقلبي بيدفع التمن
معرفتش تاخدني صاحب
وكنت عندي مؤتمن
************
كنت حاسس إنك ح تهجر
وكنت عامل كمان حسابي
عارف إن حياتك غامضه
وضلمه سهرت معاها ليالي
اصل عاويدك زي ما هي
م بيصعبش عليك الغالي
************
ياما شوفت معاك آهات
وعيون م الدمع اتكحلت
ليه بتنسي الذكريات
ف ضلوعي نار. اتوجعت
وكل يوم كان لينا ذكري
ياما في شرياني اتجمعت
************
معقوله تفوتني وتسيبني
كده من غير ما احاسبك
أحلف. بالله ياظالمني
ما عادني يفيدني. عتابك
ولا يوم ح اخضع إليك
ولا اخبط يوم علي بابك
مادمت بيعت عمري
م ح اقرب من أعتابك
********
بقلمي/اسماعيل عبدالهادي ابوالعلا
تعليقات
إرسال تعليق