ليه الحروف للشاعرة منى علام
ليه الحروف
ناقصة النقط
دايما بتخلف ف الكلام؟
أنا ذكرى ماتت
ف القلوب،
لكن
مصاحبها الوجع
والضحكة ف سنين الغياب
عمالة تكدب
ع الأمل
باستنى أحضان الخيال
وارسم ملامح
مش ملامحي
إزاي اعيش
وانت بعيد؟
رد الحنين:
مش محتمل
أنا نفسي أعيش
من غير هموم
وسطور قصيدة
بدون ألم
أنا نفسي اعيش
من غير وداع
لكن خلاص
العمر ضاع
والقلب باع
حتى الملامح كلها
صبحت ظلام
عمري اللي فات
مش حد راح،
علشان يعود
غصن الورود
دبلان ياعود
واللحن ناقص دندنه
لحني اللي فات
بقى نوته فرغت م الحروف
والحبر من دمعي انا
الحبر من دمعي أنا
كلمات/منى علام
ديوان/شئ في صدري
تعليقات
إرسال تعليق