صدفة للشاعر ابراهيم منصور بدر

 ......{صدفة}...

....................

وكل الحكاية..

 إنُّه عالم أخدنى..

بغمَّض وافتَّح..

وأعافر وأهدِّى ..

واسيب دمع خدى..

واسافر بعقلى..

فى عالم حنينى......

يادنيا مفرَّقة المشاوير..

على المقادير..

ف درب الرب..

بحبّك وأنتى كارهانى..

ووقت متقبلى حبِّى..

بتحلى الوحدة ف عيونى!..

كأن ملوحة الدمعة..

أمل طارح ف تكوينى!.

كأنِّك بداية ،،

وحكاية ونهاية..

ف رحلة خيالى

 العنيد الغريب..

سؤالى الوحيد..

عديم الإجابة،،

ياحلم أنت ليه ..

بتهرب بعيد؟

مكنتش قريِّب..

عشان تختفى؟..

ولا كنت ساجنك..

ف ليلى الكئيب؟!.

الحياة هامش صدّف..

إختلف فيها الحدث..

لمصير وحيد..

عمرى القديم..

عمرى الجديد..

عمرى 

اللى مش فاكر ملامحه..

القريِّب مش قريِّب،،

والبعيد مبقاش بعيد..

صدفة فراق حاضنة اللقا..

فى طريق غريب!.

 #إبراهيم #منصور #بدر