مربعات فن الواو للشاعر هاني سطوحي
#من_فن_الواو
#مربعات_التميمي
ابدأ كلامي وأسلم
بعديها اصلي على احمد
يااارب نجي وسلم
طول عمري ساجد وأحمد
صحب النبي دول مصابيح
ف الساحة نكشف نبينا
ف الخلق واقف وأصيح
أشهد.محمد نبينا
...........
جزمة نبينا برقبتك
وملكش عندي فواتي
دا ف قولك انا رقبتك
جه يوم يا ابن الفواتي
صلي معايا على الزين
نبي عربي دا ادى الرسالة
ولذكرة تتقل موازين
من يطلب شفاعته رساله
نجمي وبلدي تميمي
والنقب قالوا السطوحي
الشعر عندي تميمي
كما راية عالية بسطوحي
من قولي تعرف تميمي
فيها جدوري وفراعنة
يوم قولت شعري التميمي
شهدت ملوك الفراعنة
رملك دا يسوى دهبهم
ع النيل اهلك وناسك
يمشي حداكِ ما هبهم
كانه ف الحج ناسك
لعب العيلا داكورة
ورجالنا تلعب عصايا
الساحه تكشف داكورة
ويل اللي فر وعصايا
والربًع ما في قاريني
أسمي دا واصل تلالي
الواو حفظني وقاريني
يجي حدي يفضل يلالي
زمن التميمي ما ولى
ولا ماتش حرفه وشعاره
واليوم له قبه وتولى
ف الواو منصه وشعاره
شهم ما عنده فتفوته
ودقيقه ما شفش رده
ساعة الوغى ما تفوته
ولا يوم دا حد رده
والله لو ادري حصادك
يا بكره ما ازرع فسيله
الهم صادني وصادك
زود جروحي ف سيله
الواو دا فن الربابه
مش اي واحد يقوله
وعشقنا اهله ورُبابه
تقول جن ساكن عِقوله
قول المربع بشارتين
بجناس تميمي وتكثيف
يا صاحبي جايلك بشارتين
درع التميز ولك سيف
الجرح قايد كالفران
البيضة يقلبها سودة
ورجال تكمش كالفران
وعلينا عملوا اسودة
بصباعي قالع وكان عين
لما شافوا طيفها وجمالها
قول المربع ف كام عين
تاخد العروسة وجمالها
........
تميمي وابويا اللي ربه
دي المنيا بلد الأكابر
مفتاح معشق ف ضبه
مين دا اللي يقدر يكابر
........
ف العزة طالع لناسي
خايل ف لبس العمامي
من أصلي ولا كنت ناسي
صاين خوالي وعمامي
........
والفخر جاني ف تلاكوا
على سيركوا ديما رقايب
لو عين تبص ف تلاكوا
ما يكفي فيها رقايب
........
في خلق تعزف كمانجة
والكلمة منهم حجارة
وخلق تعزق ف مانجة
وبكلمة طبطب ع جارة
..........
رمل البلد دي كنس ناس
الكلمة منها ك حجة
وعيلا قاعدة كنسناس
ف البار تقولك دي حجة
........
خلي كلامك ف مليان
كالطلق يطلع له هيبه
دا الحق يا اخي ماليان
كالجمر احذر لهيبه
.........
لو كنت شارينا ف شاريك
هتعيش حياتك ف راحه
ولا مره هتلاقى في شريك
للخصم يرميك ف راحه
....... .
كام غلطة وتقوله نسوه
والصدر يغلي بمراجل
لو سبت حكمك لنسوه
طب ايه لزومك ياراجل
.........
الجهل مالهوش مراتب
تتهد وياه منازل
وان كان حرير ع المراتب
هيفضل ف اسفل منازل
.........
وان جسمي عقّب ع جلدا
ما ساترني غير الخلايق
عجبي يا اخويا ع جلدا
فضحونا وسط الخلايق
.......
والعهد مقسوم بيناتنا
حالفين ما بينا يماني
والعفه ساتره بيناتنا
وولادنا سيف اليماني
.........
يكفينا ربي ويكفيك
شر الحسد والحسود
يجرك على الارض يكفيك
ويقلبلك الفرح سود
ارسم صورتها ورسمالي
ف قليبها ساحة وبطولة
نظرة عنيها دي راسمالي
من غيرها قلبي بطولة
وواتي سبقاني بميت باع
سمعاها كل النواحي
حرفي مهوش شعر متباع
في الزنقة يظهر نواحي
كتبوا ف عزي مراجع
دا اللي يشرق قاريني
دايس ف خصمي مراجع
والعين ماشايفه قاريني
ارمي بسهامي وحرابي
والندل اجيبه ف حبالي
تميمي ولا يوم حرابي
إن جاني حدي وحبالي
القول يا ولدي بحسايب
والفن دا اصله مسكون
تعملش كِيف قرد سايب
ويظن انه ساد الكون
........
ف القول يا ولدي متحبيش
خلي فى قولك امارة
الفن مش طبخة وتحبيش
الواو دا فن الامارة
تعليقات
إرسال تعليق