اتكلم يا قلمي للشاعر المبدع عبدالحميد السماحي
اتكلم ياقلمي
بقلمي / عبدالحميد السماحي
صار الألم ألمي
اتكلم ياقلمي
احكي عن اللى كان
حبرك أنا دمعي
الود ليه مقطوع
والآه من وجعي
صار البعاد دا سنين
الزرع مش زرعي
بحصد قسى تواه
وآه منك ياوجعي
لاشمس فيها فرحه
وأهي دايره فى قلعي
نجوم بتقول السماح
واللي انكسر ظهري
عيوني تبكي سحابه
ليه يازمن كسري
فني فن الخطابه
وقلمي أنا نسري
الفرح ليه عني غاب
محبوس فى جحري
عايش كإني فى غابه
أفوق ألاقيني بجري
يا أرض مني عطشانه
الإخلاص أنا فى دمي
اتكلم ياقلمي
ياخلق الحب كبير
والكره مش سببي
أنا بروح الأمل عايش
ماشي بقول عجبي
ياقمر ليه محتار
دا قربك من قربي
بنادي ليل ونهار
لما انقطع نحبي
أفكاري تبني الدار
وطوبها من جسدي
أنا اللى عمري سهر
والمجد من جهدي
نومي وفيه الحظر
راحة الكل من طبعي
جبل وشايل هموم
مليش غير ربنا حسبي
بشرب من عين القلق
غيور على صاحبي وأهلي
ليه الأذى موصول؟
دا نهرك هو نهري
والشمس بشعاعها نور
ليه الضلمه من بختي
بقدم أمان وسلام
دا الحريه من عصري
اتكلم ياقلمي
خايف من لقاء ربنا
يارب الجنة أخرة صبري
شايف الدنيا فيها أسود
وانا ضعيف ليك بحبي
يارب أحسن خاتمتي
وشفاعة المصطفى بقبري
الدنيا مليانه وحوش
مش عاوزه غير نهشي
حقيقة أمري طموح
واللقمه نقسمها تكفي
يارب الكل أشوفه سلام
بصبحي ومسائي بدعي
صار الألم ألمي
اتكلم ياقلمي
بقلمي
د/ عبدالحميد السماحي
مصر 🇪🇬 محافظة كفرالشيخ
تعليقات
إرسال تعليق